குலங்காக்கும் கருப்பனுக்கு வருசாபிஷேக விழா...

பெரிய கருப்பண்ண சுவாமி திருக்கோவில் வருடாபிஷேக விழா வெகு விமர்சையாக நடைபெற்றது. ராமநாதபுரம் மாவட்டம் கமுதி அருகே நகரத்தார் குறிச்சி குன்றக்குளம் கிராமத்தில் அருள்மிகு ஸ்ரீ பெரிய கருப்பணசுவாமிக்கு வருடாபிஷேகம் விழா மற்றும் ஸ்ரீ குபேர விநாயகர் ஸ்ரீ சின்ன கருப்பண்ண சுவாமி ஸ்ரீ சீலைக்காரி அம்மன் பிரதிஷ்டா கும்பாபிஷேக பெருவிழா நடைபெற்றது.

முன்னதாக யாகசாலை கணபதி ஹோமம் கோ பூஜை இரண்டாம் கால பூஜை பூரணாகுதி மகா தீபாதாரணை நடைபெற்றது அதனைத் தொடர்ந்து சிவாச்சாரியார் வேத மந்திரங்கள் முழங்க மங்கல இசை வாத்தியங்களுடன்  கடம்பரப்பாடு ஆலயம் வலம் சென்று பெரிய கருப்பணசாமிக்கு வருடாபிஷேக விழாவும் ஸ்ரீ குபேர விநாயகர் சின்ன கருப்பண்ண சுவாமி சீலக்காரி அம்மன் ஆகிய சுவாமிகளுக்கு  பிரதிஷ்டா கும்பாபிஷேக பெருவிழா நடைபெற்றது.

அதனைத் தொடர்ந்து பெரிய கருப்பு சின்ன கருப்பு சிலக்காரி அம்மன் சுவாமிகளுக்கு கும்ப நீர்  பால் தயிர் சந்தனம் இளநீர் பன்னீர் விபூதி பஞ்சாமிர்தம் மூலிகை திரவிய அபிஷேக அலங்காரம் தீபாதாரணை நடைபெற்றது இதில் ஏராளமான பக்தர்கள் கலந்து கொண்டனர் அனைவருக்கும் பிரசாதம் அன்னதானம் வழங்கப்பட்டது.