சனிபகவான் 9-ல் இருந்தால் ஜாதகருக்கு இவ்வளவு பெரிய யோகமா? 

8-ல் உள்ள சனிபகவானால் கண்பார்வை மங்கக்கூடும். வயிற்றுக் கோளாறு உண்டாகக் கூடும்.
 
8-ல் உள்ள சனிபகவான் ஜாதகருக்குப் பணத்தைச் சேர்த்துத் தருவாரே தவிர மதிப்பை தர மாட்டார். ஜாதகர் அடிமைவேலை செய்ய வேண்டியிருக்கும். சுயமாக பெரிய காரியங்களை நிர்வகிக்கக்கூடிய ஆற்றல் இல்லாமல் போகும்.
 
8-ல் உள்ள சனிபகவான் இளம் வயதில் ஜாதகருக்கு மகிழ்ச்சியை தரமாட்டார். ஆயுளை தீர்க்கமாகக் கொடுப்பார்.
 
9-ல் உள்ள சனிபகவானால் ஜாதகருக்குப் பணம் குவியும். மகிழ்ச்சி ஏற்படும். மக்களால் மகிழ்ச்சியுண்டாகும்.
 
சனிபகவான் 9-ல் இருக்கப் பிறந்தவர்களுக்கு வேதாந்த மனப்பான்மை ஏற்படும். ஜோதிடம் போன்ற கலைகளில் பாண்டித்யம் உண்டாகும்.
 
9-ல் உள்ள சனிபகவான் பலவீனம் பெற்றிருந்தால் ஜாதகருக்கு அதிர்ஷ்டக்குறைவு உண்டாகும். மற்றவர்களுக்கு ஜாதகரால் தொல்லை விளையக்கூடும்.
 
பெரும்பாலும் 9-ல் உள்ள சனிபகவான் ஜாதகருக்கு வெளிநாட்டில் யோகத்தை உண்டு பண்ணுவார்.