திருப்பதியில் 2 மணி நேரத்தில் இலவச தரிசனம்!

இரண்டு மணி நேரத்தில்,திருப்பதி ஏழுமலையான் கோயிலில் ஆதார் அல்லது வாக்காளர் அடையாள அட்டையை காட்டினால், சுவாமி தரிசனம் செய்யும் முறை அமலுக்கு வந்தது.
இலவச தரிசனத்துக்கு வரும் பக்தர்கள், தங்கள் ஆதார் அல்லது வாக்காளர் அடையாள அட்டையைக் காட்டினால் 2 மணி நேரத்தில் தரிசனத்துக்கு அனுமதிக்கும் முறை கடந்த டிசம்பர் மாதமும், கடந்த வாரமும் சோதனை முறையில் மேற்கொள்ளப்பட்டது. இதைத் தொடர்ந்து, வியாழக்கிழமை முதல் புதிய நடைமுறையை தேவஸ்தானம் அமல்படுத்தியது.
இதற்காக, திருப்பதி மற்றும் திருமலையில் தலா 4 இடங்களில் அமைக்கப்பட்டுள்ள மையங்களில் பக்தர்கள் தங்கள் ஆதார் அல்லது வாக்காளர் அடையாள அட்டையைக் காண்பித்து பயோ மெட்ரிக் அட்டையை பெற்றுக் கொள்ளலாம். அதில் குறிப்பிட்ட நேரத்தில் சுவாமி தரிசனம் செய்ய முடியும்.